व्हीएसआरएस मराठी न्युज -पौर्णिमेच्या दिवशी म्हणजेच सोमवार,16 मे रोजी हे चंद्रग्रहण होणार आहे.
भारतीय प्रमाणवेळेनुसार हे ग्रहण सकाळी 8 वाजून 59 मिनिटांनी सुरू होईल. तर 10 वाजून 23 मिनिटांपर्यंत त्याचा प्रभाव दिसणार आहे.
अवघ्या 15-16 दिवसांतच दुसरं ग्रहण असल्यामुळे खगोल अभ्यासकांसाठी ही पर्वणी ठरणार आहे.
यंदाचं पहिलं सूर्यग्रहण 30 एप्रिल 2022 रोजी झालं होतं. हे ग्रहण भारतीय प्रमाणवेळेनुसार रात्रीच्या वेळी झालं त्यामुळे भारतात ते पाहायला मिळालं नाही.
त्याचप्रमाणे आगामी चंद्रग्रहणसुद्धा भारतीय वेळेनुसार दिवसा होणार असल्यामुळे ते भारतातून पाहता येणार नाही.
हे चंद्रग्रहण भारतीय वेळेनुसार सकाळी घडणार असल्यामुळे हे भारतातून पाहता येणार नाही.
2022 मधलं पहिलं चंद्रग्रहण हिंद महासागर क्षेत्रात अंशतः दिसू शकेल. तर प्रशांत महासागर, अटलांटिक, अंटार्क्टीका, दक्षिण आणि पश्चिम युरोप, उत्तर अमेरिका, दक्षिण अमेरिका आणि आफ्रिका खंडातील काही भागांत दिसू शकेल.
नासाने दिलेल्या माहितीनुसार, चंद्र, पृथ्वी आणि सूर्य हे सरळ एका रेषेत आल्यानंतर खग्रास चंद्रग्रहणाची स्थिती निर्माण होते. यावेळी चंद्र पूर्णपणे पृथ्वीच्या सावलीखाली येतो. पण तरीही काही प्रमाणात सूर्याचा प्रकाश चंद्रावर पडतोच. यावेळी चंद्राचा हा भाग थोडा लालसर दिसू लागतो. याला ब्लड मून असं संबोधलं जातं.
Discussion about this post