डेहराडून । व्हीएसआरएस न्यूज ।
उत्तराखंडमध्ये सत्ताधारी भाजप आणि काँग्रेसमध्ये चुरस दिसून येईल, असे विधानसभा निवडणुकीच्या एक्झिट पोलमधून समोर आले. यानंतर आता काँग्रेस आणि भाजप निकालानंतरच्या संभाव्य परिस्थितीवर विचारमंथन करण्यात गुंतले आहेत. काही एक्झिट पोलमध्ये उत्तराखंडमध्ये भाजपला बहुमत मिळण्याची शक्यता वर्तवली आहे. पण काट्याची टक्कर होण्याची शक्यताही भाजप नेते व्यक्त करत आहेत. काही एक्झिट पोलमध्ये काँग्रेस मोठा पक्ष ठरेल असं सांगण्यात आलं आहे. यानंतर काँग्रेसने रणनीतीवर काम सुरू केले आहे. निवडणुकीनंतर कोणतीही परिस्थिती हाताळून निर्णय घेण्याची तयारी दोन्ही पक्षांच्या नेत्यांनी सुरू केली आहे.
म्हणून या सरकारला कुणी धक्का लावू शकत नाही; पवारांनी सांगितलं कारण
उत्तराखंडमध्ये काँग्रेसचा मुख्यमंत्रीपदाचा चेहरा कोण असेल? हे हायकमांड आणि पक्षाचे आमदार ठरवतील. आम्ही उत्तराखंडसह गोवा, पंजाब आणि यूपीतही बहुमताने सत्तेत येऊ, असा दावा काँग्रेसचे उत्तराखंडचे वरिष्ठ निवडणूक निरीक्षक मोहन प्रकाश यांनी केला. भाजपला कायम बहुमत लुटण्याचा प्रयत्न करते. पंतप्रधान मोदींच्या लोकसभा मतदारसंघात काल वाराणसीत तीन ट्रकमधून ईव्हीएम पळवून नेले जात होते. आपल्या बाजूने बहुमत दिसत नसले तर भाजप मतांशी छेडछाड करते. यामुळे आमचे कार्यकर्ते आणि नेते प्रत्येक जिल्ह्यांमध्ये तैनात असून ते बारकाईने लक्ष ठेवून आहेत, असे मोहन प्रकाश यांनी सांगितले.
उत्तराखंडची राजधानी डेहराडूनमध्ये भाजप आणि काँग्रेस या दोन्ही पक्षांचे नेते एकत्र येऊ लागले आहेत. मतमोजणीनंतर त्रिशंकू विधानसभेच्या परिस्थितीवर त्वरित निर्णय घेण्यासाठी वरिष्ठ नेते डेहराडूनला पोहोचले आहेत, असे दोन्ही पक्षांच्या सूत्रांनी सांगितले. माजी मुख्यमंत्री रमेश पोखरियाल निशंक यांच्या मदतीसाठी भाजपचे ज्येष्ठ नेते कैलाश विजयवर्गीय येथे पोहोचले आहेत. दुसरीकडे, राज्यसभा खासदार दीपेंद्र हुडा आणि छत्तीसगडचे मुख्यमंत्री भूपेश बघेल हे काँग्रेसकडून अंतिम निर्णय होईपर्यंत ठाण मांडून आहेत.
भाजप नेत्यांनी डेहराडूनमध्ये सर्व नेत्यांची बैठक घेतली. त्याचवेळी काँग्रेस पक्षाचे प्रदेश प्रभारी देवेंद्र यादव यांच्यासोबत हुड्डाही बैठका घेत आहेत. एका हॉटेलमध्ये झालेल्या काँग्रेसच्या बैठकीत माजी मुख्यमंत्री हरीश रावत देखील उपस्थित होते. यावेळी सर्व १३ जिल्ह्यांतील मतमोजणीसाठी काँग्रेस नेते उपस्थित राहतील असा निर्णय घेण्यात आला. गोवा आणि मणिपूरमध्ये २०१७ मध्ये झालेल्या विधानसभा निवडणुकांमधून काँग्रेसने धडा घेतला आहे. तिथे काँग्रेस सर्वात मोठा पक्ष म्हणून उदयास येऊनही सरकार स्थापन करू शकला नाही.
उत्तराखंड भाजपमध्ये धमाका होणार!, एक्झिट पोल येण्यापूर्वीच पक्षातील कलह चव्हाट्यावर कोणत्याही आव्हानासाठी पक्ष तयार, कुठालाही चान्स यावेळी आम्हाला घ्यायचा नाही, असे उत्तराखंड काँग्रेसचे प्रदेश उपाध्यक्ष सुरेंद्र कुमार म्हणाले. त्याचवेळी भाजपचे निवडणूक प्रभारी आणि केंद्रीय मंत्री प्रल्हाद जोशी यांनी सर्व कार्यकर्त्यांना शेवटची मतमोजणी होईपर्यंत सतर्क राहण्याच्या सूचना दिल्या आहेत. उत्तराखंडचे प्रभारी दुष्यंत गौतम हे तळ ठोकून आहेत.
उत्तराखंडमध्ये पुन्हा भाजप, मणिपूरमध्ये भाजप बहुमतानजीक; गोव्यात त्रिशंकू
विधानसभेच्या ७० जागा असलेल्या उत्तराखंड विधानसभेत त्रिशंकू स्थिती निर्माण झाल्यास किंगमेकर्सची भूमिका महत्त्वाची ठरणार आहे. काँग्रेस आणि भाजप या दोन्ही पक्षांच्या नजरा अशा अपक्ष उमेदवारांवर आहेत ज्यांच्या विजयाची शक्यता अधिक आहे. बसपाच्या उमेदवारांनी राज्यातील २-३ जागांवर तिरंगी लढत निर्माण केली आहे. दुसरीकडे देवप्रयाग मतदारसंघात उत्तराखंड क्रांती दलाचे दिवाकर भट्ट चांगले दिसत आहेत.
Discussion about this post