पुणे । व्हीएसआरएस न्यूज ।
दहावीचा निकाल बोर्डाने जाहीर केला आहे. राज्यातील विद्यार्थ्यांच्या उत्तीर्णतेची टक्केवारी ९६.९४ इतकी आहे. विद्यार्थ्यांना त्यांचा ऑनलाइन निकाल मंडळाच्या अधिकृत संकेतस्थळांवर पाहता येणार आहे. राज्य माध्यमिक आणि उच्च माध्यमिक मंडळाचा इयत्ता दहावीचा निकाल (SSC Result 2022) जाहीर झाला आहे. एकूण ९६.९४ टक्के विद्यार्थी उत्तीर्ण झाले आहेत. सर्वाधिक निकाल कोकण विभागाचा (९९.२७ टक्के) तर सर्वात कमी निकाल नाशिक विभागाचा (९५.९० टक्के) आहे. यंदा करोना महामारी काळानंतर पहिल्यांदाच झालेली ही दहावीची परीक्षा आहे. मागील वर्षी दहावी, बारावीच्या परीक्षा रद्द झाल्या होत्या. त्यामुळे यंदाच्या निकालाबाबत एक वेगळी उत्सुकता होती.
दरम्यान, विद्यार्थ्यांना त्यांचा ऑनलाइन निकाल आज दुपारी १ वाजल्यापासून मंडळाच्या अधिकृत संकेतस्थळांवर पाहता येणार आहे. राज्यातील १२,१२० शाळांचा निकाल १०० टक्के लागला आहे. राज्यातील २९ शाळांमध्ये शून्य टक्के निकाल लागला आहे.
दृष्टिक्षेपात निकाल (Overall 10th Result)-
परीक्षेला नोंदणी केलेले एकूण विद्यार्थी (नियमित)- १५ लाख ८४ हजार ७९०
परीक्षेला बसलेले एकूण विद्यार्थी – १५ लाख ६८ हजार ९७७
एकूण उत्तीर्ण विद्यार्थी – १५ लाख २१ हजार ००३
एकूण उत्तीर्ण विद्यार्थ्यांची टक्केवारी – टक्के ९६.९४
पुढील संकेतस्थळांवर दहावीचा ऑनलाइन निकाल पाहता येईल –
www.mahresult.nic.in
http://sscresult.mkcl.org
https://ssc.mahresults.org.in
विभागनिहाय टक्केवारी
पुणे – ९६.९६
नागपूर – ९७
औरंगाबाद – ९६.३३
मुंबई – ९६.९४
कोल्हापूर – ९८.५०
अमरावती – ९६.८१
नाशिक – ९५.९०
लातूर – ९७.२७
कोकण – ९९.२७
एकूण – ९६.९४
राज्यातील अतिरिक्त गुण मिळालेल्या विद्यार्थ्यांची संख्या
चित्रकला / कला – १२८७४५
क्रीडा – १५५३०
स्काऊट गाइड – ५४२
नाट्यकला – ७
लोककला – १४५४९
शास्त्रीय नृत्य – १९४५
शास्त्रीय गायन – २०३६
शास्त्रीय वादन – १४४४
एकूण -१६४७९८
गुणपडताळणी
विद्यार्थ्यांनी गुणपडताळणी, उत्तरपत्रिकांच्या छायाप्रती आणि पुनर्मूल्यांकर व स्थलांतर प्रमाणपत्रासाठी संबंधित विभागीय मंडळाकडे ऑनलाइन पद्धतीने मंडळाच्या अधिकृत संकेतस्थळामार्फत किंवा शाळांमार्फत अर्ज करायचा आहे. गुणपडताळणीसाठी सोमवार २० जून ते बुधवार २९ जून पर्यंत अर्ज करायचा आहे. छायाप्रतीसाठी सोमवार २० जून ते शनिवार ९ जुलै पर्यंत अर्ज करायचा आहे. शुल्कही ऑनलाइन पद्धतीनेच भरायचे आहे.
Discussion about this post