व्हीएसआरएस न्युज -पुणे (प्रतिनिधी) सूर्योदय प्रतिष्ठानच्या वतीने सामाजिक क्षेत्रातील उल्लेखनीय कार्याबद्दल खान्देश मराठा मंडळाचे माजी अध्यक्ष गुलाबराव पाटील यांना राज्यस्तरीय समाजरत्न पुरस्कार देऊन गौरविण्यात आले.
श्री.छत्रपती प्राथमिक व माध्यमिक विद्यालय कोंढवा बुद्रुक पुणे याठिकाणी पुरस्कार वितरण कार्यक्रम संपन्न झाला.त्यावेळी वयाच्या सत्तर वर्षांपर्यंत कंपनीत अतिशय मेहनतीने व प्रामाणिकपणे दिर्घ सेवेबद्दल चिंतामण पाटील यांना देखील शाल श्रीफळ व सन्मान पत्र देऊन उत्कृष्ट कामगिरी बद्दल गौरविण्यात आले.या कार्यक्रमाचे अध्यक्षस्थानी पुणे भा.ज पा कामगार जिल्हा उपाध्यक्ष किशोरअहिरे होते.
यावेळी सुर्योदय प्रतिष्ठानच्या संस्थापक अध्यक्षा प्रतिभाताई पाटील,यशादाच्या माध्यम व प्रकाशन केंद्र विभाग प्रमुख डॉ.बबन जोगदंड, पद्मावती प्रतिष्ठानचे संस्थापक अध्यक्ष विजय दगडे,माजी नगरसेविका संगीता ठोसर,भारती पोलिस स्टेशनचे वरिष्ठ पोलिस निरीक्षक संतोष सोनवणे तसेच इतर अनेक मान्यवर मंडळी उपस्थित होती.यावेळी डॉ बबन जोगदंड, गुलाबराव पाटील, किशोर अहिरे यांनी सुर्योदय प्रतिष्ठानचे आभार मानले.
यावेळी विविध स्तरातील मान्यवर सुर्योदय प्रतिष्ठानचे कार्यकर्ते, महिला वर्ग मोठ्या संख्येने उपस्थित होते.
सदर कार्यक्रमाचे सूत्रसंचालन मोहन खटावकर यांनी केले.तर नरेश भाटिया यांनी आभार मानले.
Discussion about this post