व्हीएसआरएस मराठी न्युज –
माणसांसाठी धोकादायक असल्याचे कारण देत भारत सरकारने 14 फिक्स्ड डोस कॉम्बिनेशन (FDCs) औषधांवर बंदी घातली आहे. यामध्ये निमसुलाइड आणि पॅरासिटामॉल डिस्पर्सिबल गोळ्या, क्लोफेनिरामाइन मॅलेट आणि कोडीन सिरप यांचा समावेश आहे.
तज्ज्ञ समितीच्या शिफारशींच्या आधारे केंद्र सरकारने 14 फिक्स्ड डोस कॉम्बिनेशनवर बंदी घातली आहे. ताप, डोकेदुखी, मायग्रेन, स्नायू दुखणे, दाताचे दुखणे, संधिवात, स्पॉन्डिलायटिस, ऑस्टियोआर्थरायटिस, पीरियडच्या वेदना यासाठी अनेकदा निमेसुलाइड आणि पॅरासिटामोलच्या कंपोझिशन असलेली औषधे दिली जातात. या औषधांच्या अनियंत्रित वापरामुळे यकृत, मूत्रपिंड आणि हृदयाशी संबंधित समस्या निर्माण होऊ शकतात. यामुळेच बंदीचा निर्णय घेण्यात आला आहे.
बंदी घातलेल्या कॉम्बिनेशन्सच्या यादीत निमसुलाइड + पॅरासिटामोल डिस्पेर्सिबल टॅब्लेट, क्लोफेनिरामाइन मॅलेट + कोडीन सिरप, फोल्कोडाइन + प्रोमेथाझिन, अमोक्सिसिलिन + ब्रोमहेक्सिन आणि ब्रोमहेक्सिन + डेक्सट्रोमेथोरफान + अमोनियम क्लोराईड + मेन्थॉल, पॅरासिटामोल + ब्रोम्हेक्झिन + ग्लुफेनॅमिन + ग्लुफेनॅमिन + ग्लूफेन आणि ब्रोम्हेक्झिन या औषधांचा समावेश आहे.
निश्चित डोस कॉम्बिनेशन औषधे मानवी आरोग्यासाठी घातक ठरू शकतात. त्यामुळे जनहिताच्या दृष्टीने त्यांच्यावर बंदी घातली पाहिजे; अशा स्वरुपाची शिफारस तज्ज्ञांच्या समितीने केली. यानंतर केंद्र सरकारने औषधे आणि सौंदर्य प्रसाधने कायदा, 1940 अंतर्गत बंदीची अधिसूचना काढली आहे.
या औषधांचे वितरण, उत्पादन आणि विक्री यावर बंदी घालण्यात आली आहे. केंद्र सरकारने एक अधिसूचना काढून बंदी घातलेल्या औषधांची यादी जाहीर केली आहे.
Discussion about this post