व्हीएसआरएस मराठी न्युज –चिंचवड शहराचं नाव बदलून जिजाऊ नगर ठेवण्यात यावं अशी मागणी भक्ती शक्ती प्रतिष्ठानकडून करण्यात आली आहे. या आशयाचे फलक पिंपरी- चिंचवड शहरातील विविध भागात लावण्यात आल्याचे पाहायला मिळत आहे.
महाराष्ट्रातील अनेक शहरांची नावे बदलण्यात आलेली आहेत. किंबहुना ती बदलण्यात येत आहेत. अशा परिस्थितीमध्ये आता पिंपरी-चिंचवड शहराचे देखील नाव बदलण्याची आग्रही भूमिका भक्ती शक्ती प्रतिष्ठानकडून घेण्यात येत आहे. शहरातील विविध भागात पिंपरी-चिंचवड शहराचे जिजाऊ नगर नाव करण्यात यावे अशी मागणी आता जोर धरू लागलेली आहे.
शहरातील वेगवेगळ्या ठिकाणी भक्ती शक्ती प्रतिष्ठानकडून पिंपरी चिंचवड शहराचे जिजाऊ नगर नाव करण्यात यावे यासाठी फ्लेक्स लावण्यात आले आहेत. त्यामुळे शहरांमध्ये चर्चेला उधाण आले आहे. पिंपरी- चिंचवड शहराचं नाव बदलण्याच्या चर्चा या अगोदर २००६ -०७ ला झाली होती. तशा दैनिकात बातम्या देखील छापून आल्या. पण, स्थानिकांनी पिंपरी- चिंचवड शहराचे नाव बदलण्यास विरोध केला होता. आता पुन्हा एकदा शहराचे नाव बदलण्याची मागणी होते आहे.
Discussion about this post