व्हीएसआरएस मराठी न्युज निगडी-मधुकर पवळे उड्डाणपुलाखालील पार्किंगमध्ये, बीआरटी बस स्टॉपच्या पाठीमागील हातगाडी धारक व टपरीधारकांना जागा देण्यात आली आहे. मधुकर पवळे पुतळा शेजारी वीस ते पंचवीस टपरीधारकांनी रस्त्यावर अतिक्रमण करून व्यवसाय सुरू केला आहे.
त्यामुळे, वाहतूक कोंडी होत असून नागरिकांसाठी फुटपाथ बंद करण्यात आला आहे. त्यामुळे नागरिकांना या ठिकाणी ये-जा करण्यासाठी कसरत करावी लागत आहे. ‘अ’ क्षेत्रीय अधिकाऱ्यांकडे तक्रार करूनही दुर्लक्ष केले जात आहे. अतिक्रमण कारवाई करण्यात येत नाही. तर, दुसरीकडे टपरीधारकांना निगडी येथील मधुकर पवळे उड्डाणपुलाखालील पार्किंगमध्ये स्थलांतरित करण्यात आले आहे. तरीही टपरीधारक त्या ठिकाणी जात नसून मधुकर पवळे पुतळा येथील फुटपाथवर अतिक्रमण करून व्यवसाय करीत आहेत. त्यामुळे वाहतूक कोंडीला दिवसेंदिवस आमंत्रण मिळत आहे.
Discussion about this post