व्हीएसआरएस मराठी न्युज –पंतप्रधान नरेंद्र मोदी 10 फेब्रुवारी रोजी मुंबईला भेट देणार आहेत. पंतप्रधान नरेंद्र मोदी अंधेरी पूर्व, मुंबईतील मरोळ बोहरा कॉलनीमध्ये बोहरा मुस्लिम समुदायाने स्थापन केलेल्या अल जामिया तुस सैफिया या विद्यापीठाचे उद्घाटन करतील. यासाठी पंतप्रधान मोदी 10 फेब्रुवारीला मुंबई दौऱ्यावर येत आहेत. या ठिकाणी मुंबई पोलिसांकडून मोठा पोलिस बंदोबस्त तैनात करण्यात आला आहे. मुंबई पोलीस आयुक्तांनीही चार तास जागेची पाहणी केली.
अंधेरी पूर्व येथील मरोळ परिसरात बोरी कॉलनी परिसर आहे. या परिसरात बोरी मुस्लीम समाज मोठ्या प्रमाणात राहतो. या परिसरात मोठी झोपडपट्टी आहे. त्यामुळे पोलिसांसमोर सुरक्षेचे मोठे आव्हान आहे. त्यामुळे पोलीस दहा ते बारा दिवस आधीच सुरक्षेची तयारी करत आहेत. आतापासून येथे चोख पोलीस बंदोबस्त तैनात करण्यात आला आहे. दरम्यान, मुंबईचे पोलीस आयुक्त विवेक फणसळकर यांनी काल (29 जानेवारी) दुपारी चार तास बोरी कॉलनीतील सुरक्षेची पाहणी केली.
Discussion about this post