मुंबई । व्हीएसआरएस न्यूज ।
शिवसेनेतून बंडखोरी केलेल्या आमदार, खासदारांचा शिंदे गट आणि उद्धव ठाकरेंच्या निष्ठावंतांमध्ये आता ठिकठिकाणी ठिणगी उडत आहे. जळगावर उद्धव ठाकरे समर्थकांनी माजी मंत्री आणि आमदार गुलाबराव पाटील यांना डिवचलं आहे. रुग्णवाहिकेच्या मुद्द्यावरून जळगावात शिंदे गट आणि उद्धव ठाकरेंचे निष्ठावंत आमने-सामने आले आहेत. आदित्य ठाकरेंच्या वाढदिवसाला दिलेली रुग्णवाहिका शिंदे गटाने परत घेतली होती. आता शिवसैनिकांनी दोन रुग्णवाहिका भेट देत त्यांना डिवचलं आहे.
शिंदे गटाने अँब्युलन्स काढून घेतली, शिवसैनिकांनी दोन दिल्या, गुलाबराव पाटलांना दाखवला हिसका
जळगाव : काही दिवसांपूर्वीच शिंदे गटात सहभागी झालेल्या माजी मंत्री गुलाबराव पाटील यांच्या चिरंजीवाने शिवसेनेला दिलेली रुग्णवाहिका परत मागून घेतली होती. आता याच शिंदे गटाला डिवचत शिवसेनेने शिवसेना पक्षप्रमुख उद्धव ठाकरे यांच्या वाढदिवसानिमित्ताने जिल्ह्याच्या रुग्णसेवेत दोन रुग्णवाहिका दिल्या आहेत. आता रुग्णवाहिकेच्या मुद्द्यावरुन जळगावत शिंदे गट व उद्धव ठाकरे समर्थक आमने-सामने आल्याचे पाहायला मिळत आहे.
शिवसेनेत बंड करत एकनाथ शिंदेंसह ४० आमदार बाहेर पडले होते. यात जळगाव जिल्ह्यातील माजी मंत्री गुलाबराव पाटील हे सुद्धा एकनाथ शिंदे गटात सहभागी झाले होते. शिंदे गट व भाजपचे युतीतील सरकार स्थापन झाले. गुलाबराव पाटील यांच्या पाठपुराव्यातून आदित्य ठाकरे यांच्या वाढदिवसानिमित्ताने जिल्हा रुग्णालयाला रुग्णवाहिका देण्यात आली होती. मात्र ते शिंद गटात सहभागी झाल्यानंतर गुलाबराव पाटील यांचे चिरंजीव जिल्हा परिषद सदस्य प्रतापराव पाटील यांनी ही रुग्णवाहिका शिवसेनेकडून काही दिवसांपूर्वी परत मागून घेतली होती. नागरिकांच्या आरोग्याच्या मुद्द्यावरही राजकारण झाल्याने गुलाबराव पाटील यांच्यावर जोरदार टीकाही करण्यात आली होती.
नैसर्गिक पद्धतीने वजन कमी करण्याचा मार्ग; वाचा वापरकर्त्यांचा अनुभव
जिल्हा रुग्णालयाला देण्यात आलेली रुग्णवाहिका शिंदे गटाने परत घेतल्याने ही बाब उद्धव ठाकरे समर्थक शिवसैनिकांना जिव्हारी लागल्याचे दिसून आले. शिंदे गटाच्या जिद्दीवर शिवसेनेने आज शिवसेना पक्षप्रमुख उद्धव ठाकरे यांच्या वाढदिवसानिमित्ताने जिल्ह्यात रुग्णसेवेसाठी दोन रुग्णवाहिकांचे लोकार्पण केले आहे. जळगाव शहरातील महापालिकेसमोर रुग्ण्वाहिका लोकार्पणाचा कार्यक्रम पार पडला. यावेळी सहसंपर्कप्रमुख गुलाबराव वाघ, महापौर जयश्री महाजन, जिल्हाप्रमुख विष्णु भंगाळे, उपमहापौर कुलभुषण पाटील, महानगराध्यक्ष शरद तायडे, आदी उपस्थित होते. रुग्नवाहिकेच्या याच विषयावरून आता जळगावात शिंदे गट व उद्धव ठाकरे समर्थक शिवसैनिकांमध्ये जोरदार लढाई जुंपली आहे.
‘आदित्य ठाकरे आता भिंगरीप्रमाणे…’, राजीनाम्याच्या आव्हानावरून गुलाबराव पाटलांचा टोला
तुम्ही काय एक रुग्णवाहिका परत घेता. आम्ही दोन रुग्णवाहिका जळगाव शहराच्या रुग्णसेवेसाठी दिल्या आहेत, अशा शब्दात शिवसेना उपमहानगरप्रमुख प्रशांत सुरळकर यांनी शिंदे गटाला डिवचले आहे.
गुलाबराव पाटलांचा झटका, आदित्य ठाकरेंच्या वाढदिवसाला दिलेली ती
आरोग्य सेवेसाठी रुग्णवाहिका परत घेण्यात आली होती. त्यामुळे शिवसैनिक चिडले आहेत. शिवसैनिकांना चिडवाल, तर ते उसळी घेतल्याशिवाय राहणार नाही. तुम्ही एक परत घेतली, आम्ही दोन रुग्णवाहिका रुग्णसेवेसाठी दिल्या. शिंदे गट आरोग्याच्या बाबतीतही गलिच्छ राजकारण करत असल्याची टीका शिवसेना सहसंपर्कप्रमुख गुलाबराव वाघ यांनी केली आहे.
Discussion about this post