व्हीएसआरएस मराठी न्युज -पुणेकारांसाठी एक महत्वाची माहिती समोर आली आहे. वनाझ ते शिवाजीनगर धान्य गोदाम (सिव्हिल कोर्ट) या पुणे मेट्रोच्या रिच दोन मार्गातील व्हायाडक्टचे काम पूर्ण झाले आहे.
या मार्गिकेवरील डेक्कन, छत्रपती संभाजी महाराज उद्यान, पुणे महापालिका आणि सिव्हिल कोर्ट या स्थानकांची कामे गतीने पूर्ण केले जात आहे. त्यामुळे लवकरच वनाज ते सिव्हिल कोर्टपर्यंतचा मेट्रो प्रवास सुरू होणार आहे.
याबाबत माहिती महामेट्रोचे संचालक डॉ. ब्रिजेश दीक्षित यांनी दिली आहे. वनाज ते सिव्हिल कोर्ट दरम्यानचे पिलर यापूर्वीच उभे राहिले असून, रेल्वे रूळ टाकण्यासाठीच्या सेगमेंट व व्हायाडक्टचे कामही पूर्ण झालेय. या मार्गिकेवर आता विद्युतीकरणाची कामे हाती घेण्यात आली आहेत. या स्थानकांसोबतच इतर कामे देखील वेगाने पूर्ण करून येत्या काही महिन्यांमध्ये वनाज ते सिव्हिल कोर्टपर्यंत मेट्रो धावू शकेल, असं डॉ. दीक्षित यांनी सांगितले.
Discussion about this post