व्हीएसआरएस मराठी न्युज दिल्ली-राजधानी दिल्लीत राष्ट्रपती रामनाथ कोविंद यांच्या हस्ते पद्म पुरस्कारांचे वितरण करण्यात आले. यादरम्यान त्या सर्व लोकांना पद्म पुरस्कारांनी सन्मानित करण्यात आलं.
त्यात हेलिकॉप्टर अपघातात शहीद झालेले सीडीएस जनरल बिपिन रावत आणि काँग्रेसचे ज्येष्ठ नेते गुलाम नबी आझाद यांच्या नावाचाही समावेश आहे.
काँग्रेस नेते गुलाम नबी आझाद यांना पद्मभूषण पुरस्कारानं सन्मानित करण्यात आलं. तर, सीडीएस जनरल बिपिन रावत यांना मरणोत्तर पद्मविभूषण पुरस्कार देण्यात आलाय. रामनाथ कोविंद यांनी जनरल बिपिन रावत यांच्या मुली कृतिका आणि तारिणी यांना हा पुरस्कार प्रदान केलाय. त्यांच्याशिवाय रामनाथ कोविंद यांनी पॅरालिम्पिक रौप्यपदक विजेते देवेंद्र झाझरिया यांना पद्मभूषण देऊन गौरविले. दुसरीकडे, एसआयआयचे एमडी सायरस पूनावाला यांना पद्मभूषण पुरस्काराने सन्मानित करण्यात आले आहे.
पद्मविभूषण, पद्मभूषण आणि पद्मश्री या तीन श्रेणींमध्ये हे पुरस्कार प्रदान केले जातात. कला, सामाजिक कार्य, सार्वजनिक घडामोडी, विज्ञान आणि अभियांत्रिकी, व्यापार आणि उद्योग, औषध, साहित्य आणि शिक्षण, क्रीडा, नागरी सेवा इत्यादी विविध शाखा /कार्यक्षेत्रात हे पुरस्कार दिले जातात. ‘पद्मविभूषण’ हा पुरस्कार उल्लेखनीय आणि अतुलनीय सेवेसाठी दिला जातो. उच्च श्रेणीतील अतुलनीय सेवेसाठी ‘पद्मभूषण’ आणि कोणत्याही क्षेत्रातील अतुलनीय सेवेसाठी ‘पद्मश्री पुरस्काराने गौरवण्यात येते. दरवर्षी प्रजासत्ताक दिनी या पुरस्कारांची घोषणा केली जाते.
Discussion about this post