व्हीएसआरएस मराठी न्युज –गुन्हेगारांवर पोलिसांचा वचक राहण्यासाठी पिंपरी चिंचवड पोलिसांनी विशेष मोहीम राबवून सराईत गुन्हेगारांच्या मुसक्या आवळल्या आहेत.
19 जानेवारी ते 3 फेब्रुवारी या कालावधीत ही विशेष मोहिम राबवून तब्बल 253 घातक शस्त्रे जप्त करुन 211 गुन्हेगारांना अटक केली आहे.
या विशेष मोहिमेत पिंपरी चिंचवड आयुक्तालयाच्या अंतर्गत असलेले सर्व पोलीस स्टेशन , गुन्हे शाखा यांनी ही कारवाई केली. यामध्ये 36 गुन्हे हे केवळ विनापरवाना पिस्टल (Pistol) बाळणाऱ्यांविरोधात दाखल करण्यात आले आहेत. तर इतर गुन्हे तलवार, कोयता यासारखी घातक शस्त्र बाळगल्याप्रकरणी 150 गुन्हे दाखल करण्यात आले. पिंपरी चिंचवड पोलिसांनी 211 गुन्हेगारांना अटक (Arrest) करुन तब्बल 48 पिस्टल आणि 205 शस्त्र असे एकूण 253 शस्त्र जप्त केली आहेत.
विशेष मोहिमेंतर्गत चांगली कामगिरी करणाऱ्या आणि पोलिसांना प्रोत्साहन मिळावे यासाठी कामगिरीनुसार
क्रमांक देण्यात आले. पहिल्या क्रमांक दरोडा विरोधी पथक, द्वितीय क्रमांक गुंडा विरोधी पथक,
तृतीय क्रमांक युनीट-4 यांना मिळाला. तर पोलीस स्टेशन स्तरावर महाळुंगे ,शिरगाव आणि पिंपरी पोलीस ठाण्यांनी
उत्कृष्ट कामगिरी केली.
विशेष मोहिमेत उत्कृष्ट कामगिरी करणाऱ्या पोलिसांचा पोलीस आयुक्त विनयकुमार चौबे यांनी प्रशस्तीपत्रक देऊन सत्कार केला.
ही कारवाई यापुढेही सुरु राहणार असल्याची माहिती पोलीस आयुक्तांनी पत्रकार परिषदेत दिली.
Discussion about this post